Еңбек әлеміндегі әйелдер: жаңа шешімдер уақыты

Ағымдағы жылдың 12 сәуірінде Астана қаласында «Еңбек әлеміндегі әйелдер: жаңа шешімдер уақыты» атты Қазақстан жұмысшы әйелдерінің І форумы өтті. Бұл өте маңызды және өзекті Форумға еліміздің барлық аймақтарынан 60-тан астам жұмысшы әйелдер делегаты, 23 саланың кәсіподақ мүшелері, 55 кәсіптің өкілдері қатысты! Әйелдер форумының пленарлық және секциялық бөлімдерінде сөз сөйлеген халықаралық сарапшылар, әлеуметтік серіктестер мен ғалымдар Қазақстан Республикасында әйелдердің, отбасылардың және гендерлік теңдіктің мүдделері кезең-кезеңімен ілгерілетіліп келе жатқанын, еңбекті әлеуметтік-экономикалық қолдау мәселелеріне назар аударып отырғанын атап өтті. Ауқымды іс-шара мемлекеттің гендерлік саясатын жетілдіру, әйелдердің заманауи қоғамдағы рөлін нығайту, олардың өзін-өзі жүзеге асыруы мен дәстүрлі отбасылық құндылықтарды сақтау үшін мүмкіндіктер жасау, сондай-ақ лайықты еңбек жағдайларын қамтамасыз ету бойынша тиімді шешімдерді талқылау және әзірлеу алаңына айналды.  Ақмола облысынан келген делегаттардың қатарында мектебіміздің бастауыш сынып мұғалімі және бастауыш кәсіподақ ұйымының төрайымы Уалиева Улболсын Калиевнаға ауқымды, қызықты форумға қатысып  келді. Бұл білім саласындағы жаңа идеялар мен жобаларға серпін беретін ұмытылмас тәжірибе форумы. Іс-шараның маңызды нәтижесі Қазақстанның жұмысшы әйелдерінің бірінші форумының қарарының қабылдануы болды, онда қатысушылар Қазақстандағы жұмыс істейтін әйелдердің тең мүмкіндіктерін қамтамасыз ету және құқықтарын қорғау бойынша маңызды ұсыныстарды тұжырымдады. Тұтастай алғанда, форум әлеуметтік және еңбек саласындағы мүмкіндіктер теңдігі мен әділеттілікті қамтамасыз ету мақсаттарына қол жеткізудегі маңызды қадам болды.